قالك وحد النهار واحد بخييييييييييييييييييييييييييييل دا مرتوا معاه تحوس فالسوق و الحوانيت ايا مرة وحدة دخلوا لحانوت تاع الملابس النسائية
شافت فستان عجبها قالت لراجلها يا شحال شباب
قال لها رجلها البخيل كل يوم نجيبك مرتي لعزيزة تشوف فيه
-3-
قالك واحد في حياتوا ما راحش لعرس وهو انسان نية بزاف واحد النهار عرضوه لعرس مطرطق يعني فور بزاف ايا في العرس صاحب dj كان داير الغنية نتع ( هو السراق والله ما أنيا) و كي كان المغني يقول هو السراق صاحب dj ينقص للغنية والغاشي يعاود موراه والله ما أنيا المهم بقاو هكذاك حتى كملت الغنية السيد كي رجع للبلاد سقساوه صحابوا وش العرس مليح عجبك قالهم فور بزاف عجبني بصح صاحب dj ما نعرف وش سرقولوا بايت يحلف فينا .
-5- قالك واحد كحتوت الدورو يموت عليه وحد النهار شرى حبة بنان ما فيهاش التيكي قال للخضار اعطيني التيكي ندفعوا للاسيرونس
-6-
قلك واحد حابس عمرو لا هدر مع فتاة أيا راح لصاحبو وسقساه كيفاش.فقالو صاحبو :لازم تكون تعرف تصيد ..أيا راح يحوس على الفتاة التي تعجبه عندما وجدها رفد حجرة ، وقايسها بهديك الحجرة جابها ليها في راسها طاحت البنت جاوا الناس يشوفوا البنت واش بيها ويجي هو من البعيد ويعيط ويقول :بعدوا هديك تاعي أنا لي صيتها
-7- قلك واحد النهار زوج خاوة واحد يسموه فريطيط ولاخر يسموه بريطيط قلك فريطيط دخل للحبس كي خرج كان محفف بولا زيرو ، شافو بريطيط سقساه باه حففت فقالو خوه بالماشينة أيا راح بريطيط للرايا تاع القطار و حط راسو ولما جاء القطار كلاكسونا عليه فقلو بريطيط :ما تقولي ني طيط ني بيط حففلي كيما خويا فريطيط
-9- قلك إجتمع عباقرة العالم و إخترعوا حاسوب يمكنه الإجابة على أي سؤال أتوا بثلاثة أغبياء ليجربوه وبدأ الأول يسأل في الحاسوب فيجيبه الحاسوب بسرعة ثم جاء الثاني كذلك أجابه الحاسوب بسرعة ، إلى أن جاء الثالث و هو أغبى الأغبياء فكتب شيئا فإذا بالحاسوب يحترق ولما سألوه لماذا إحترقة الحاسوب قال لهم(كتبت للحاسوب أن هناك حقلا طوله 700م وعرضه 200م .ما هو عمر الفلاح؟)
-10- قلك واحد حابس راح يدير السكنار على راسو فكتبلو السكنار
NO DISK
-11- قلك واحد مشي شباب راح يشوف روحو في المرايا فقالتو المرايا
- نعتذر عن الصورة -
-12- قالك واحد حابس راح للفارماسيان باش يشري الدواء ..الفارماسيان أعطالو كاشيات و قالو :2 حبات مور القهوة السيد راح ثم رجع وقال للفارماسيان : خويا معليش نشربهم مور الريستورو ولا مور الحانوت
-13-
قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس لاتاي. شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير لاتاي
-14- قلك وحد المرة الزوجة قالت لزوجها :اليوم عيد ميلادي وراني باغية جيبلي كادو كي نشوفو يشعل قلبي ، ذهب الزوج للعمل وفي المساء عطالها علبة ففرحة الزوجة وعندما فتحتها وجدت (بريكة + قرعة ليسونس) هاكي باه يكون هذا هو عيد ميلادي انا
-16- واحد عرض صاحبه و حطله العدس قاله كول العدس مليح و فيه الحديد أيا مرة الثانية التاني عرض صاحبه الاول جابلو الحديد قالو كول الحديد فيه العدس
-17- قالك واحد ماجاهش النعاس رقد و خلاه
-18- قالك واحد ما رقدش بكري و كي رقد صاب الحلم بدا
-19- واحد حب يشري سروال لوبيا مالقاش شري سروال عدس
-20- قالك خطرة واحد بلع نص حبة كاشي نتاع الرقاد رقد بعين وحدة
-21- قلك واحد راح للسينيما و رافد معاه سلوم كي سقساوه علاه قالهم:الفيلم طويل
-22-
خطرة واحد كان يسرح فالنعاج وحاط رجل فوق رجل ويتكيف في قارو أيا طاحت طيارة قريب منو كي جات الصحافة تسألوا كيفاش صرات الحادثة ، المسكين من الخلعة بزاف قالهم - كنت نسرح بالطيارة و حاط قارو فوق قارو ونتكيف في رجلي - لقيت النعاج طاحو-
-23- قلك واحد حابس إشترى تلفاز جديد كي شعلو في الدار صاب تلعب مقابلة في كرة القدم فراح جاب بيدون تاع ماء وفرغو عليه وقال للتلفاز -أيا كل واحد يروح يلعب قدام دارهم
-24- واحد شرى صباط كبير عليه ولا يقادرو
-25- واحد الزوج كانو شاربين راهم يمشو فالليل شافو القمر ناضو يدابزو واحد يقول قمر و لوخر يقول شمس سقساو واحد كان يمشي فالطريق قالولو واش هذا قمر ولا شمس قاللهم والله غير اسمحولي انا ماشي منا
-26- قالك سرات اكسدنت بين 2 مرسيداس اخر عيطة بداوا يتعايطوا صحاب المردسات في ما بيناتهم حبس واحد عندوا R4 مكملة قاللهم واش بيكم ماتتقلقوش تقدرت وحنا قاع كاسبين الحديد و نخافو عليه
-27- واحد الناس ما يفهموا والو يعني حابسين مبلعين مثلا الكاوكاو اللي بالقشور يكتبولهم عليه عبارة(اضغط هنا) التقاشير مكتوب عليهم (يمين يسار) البنان مكتوب عليه(يؤكل من الداخل)الياوورت مكتوب فيه من الأسفل(انتهى)العلبة نتاع التونة مكتوب عليها (لا تخف انه ميت) معجون الأسنان مكتب فيه(بزق تسيل)
-28- قالك واحد مهبول دايمن حاكم الحيط و حاط وذنو عليه ويسمع كي شافو الطبيب قال واش راك تسمع قالو المهبول اسمع بوذن كي حط الطبيب وذنو على الحيط قالو ماراني نسمع وال ايا قالو المهبول هادي اللي راها مهبلتني
-29- واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة
-30- واحد الطلاب كان يهدر مع وحدة سمينة قالها أعطني الدراهم باش نشري الخبز راني يومين ما كليتش قاتلو راني حاسداتك على لاطاي نتاعك يرحم بوك قولي شكون الطبيب اللي عطاك هدا الريجيم
السبت يونيو 13, 2015 5:59 pm
