هاد واحد السيد بغا شد ديبلوم وداير مصحة للطب العام ... ولكن للأسف الكليان ماكينين
من بعد دار لافتة وكتب فيها : إلا داويناك تعطينا 100 درهم وإلا مداوينان نعطيوك 200 درهم
واحد نهار داز تما واحد حاس براسو بزاف وكيعتبر راسوا أدكى واحد فالحي, المهم قرى اللافتة وفكر مزيان بخبث
ودخل عندهم وقال للطبيب : أنا أسي طبيب معنديش حاسة الدوق أي حاجة كنكلها والو مكنحس لا بالمداق ولا بالببنة.
قال الطبيب للممرظة : عطيني العلبة رقم 5.
وعطاطها ليه وقال للراجل : حل فمك ؟؟
وملي حلو كب ليه داكشي لي فالعلبة ففمو
والسيد معا الحر قال : أي أي واااااااااا الفلفل الحار هذا ؟؟؟؟ ناري ناري
ويقول ليه الطبيب : الحمد لله رجعت ليك حاسة الدوق ووليتي كتفرق ... سير دابا خلص والله إيشافيك
السيد كعا وخلص وخرج وأسبوع كيفكر أش غيدير إرد فلوسوا, وبعد تفكير طويل جاتو فكرة جهنمية
مشا تاني عندهم وقال للطبيب : أسيدي كنعاني من فقدان الداكرة ومكانعقل على والو من نهار كنت عندك حثى با مكنعرفوش
قال الطبيب للممرضة : أراي لي ثاني العلبة رقم 5.
وايقول ليه السيد : ناري ناري واش باغي تعطيني ثاني الفلفل الحار.
ويقول ليه الطبيب : الحمد لله رجعت ليك الداكرة ... سير خلص دابا
تلاقاو جوج الطلابة مغربي وفرنسي
قال المغربي للفرنسي : واش باقي الناس كيصدقوا عندكم ولا الحركة زيروا
قال ليه الفرنسي : أودي ولينا كنسمعوا الله إسهل حثى مرضنا
ويقول ليه المغربي : حمدو الله وراه حنا ولاو كيقسموها معانا وكيقولوا '' الله إسهل عليك وعلينا ''
واحد شفار ولد الدرب سرق واحد دار جارهم
وملي خرج من دار شافوا الولد الصغير يلاه جا من المدرسة.
ويقول ليه الشفار : والله وا توشي بيا إحتا نقتلك
ويقول ليه الدري : إلا مبغيتي نوشي بيك شفر ليا المحفظة حثى هيا.
هدي واحد سيدة قالت لراجلها : صاحبتي غادي تزوج وما عرفت أشمن هدية غدي ندي ليها
الرجل في حيرة كيفكر فجيبو مسكين ويقول ليها : واش العروسة حاسة براسها وبغات تكون الأجمل في العرس.
ومرتوا ردات عليه : بطبيعة الحال أي عروس كتمنا تسرق الأضواء وتكون الأجمل فالعرس.
ويقول ليها : أحسن هدية إدا هي ماتمشيش لعرس لأنك أجمل منها بكثير وغتسرقي ليها مسكية الأضواء وغدي تغيير منك
المسكينة السيدة تيقات راجلها وبقات فالدار
والراجل حافظ على فلوسو
السبت يونيو 13, 2015 5:59 pm
