موضوع: نكت بالدارجة من الصحراء المغربية 2013 السبت يوليو 27, 2013 12:14 am
بسم الله الرحمان الرحيم
بعض النكت المغربية
(اول موضوع لي هههه)
ارجو ان تنال اعجابكم
قال ليك هادو جوج محششين كايتخاصمو بيناتهم الاول كيقول للتاني هادا النهار فاش حنايا الاخر يرد لا
اصاحبي هادا راه الليل. كايعاو الاول يقول واش نتا مريض شوف مزيان راه النهار هدا
المحشش 2 : لا الليل
المحشش 1 : النهار شوف الشمس قداش فالسما
المحشش 2 : و راه الليل هدا شوف نتا غير القمر
شوية دايز واحد الرجل وهما يوقفوه و قالولو سمح لينا اخويا نسولوك واش هدا النهار ولا الليل ..??
الرجل رد عليهم و قال : سمحوليا انا ماساكنش هنا.
قال ليك هدا واحد خينا طلع للسطح ديال دارهم و جلس كايشوف فالناس التحت شويا و هو ينقز ................. داو! طاح فالارض تجمعو عليه الناس و هوما يقولو ليه اش اودي طرا هنا . جاوبهم و قال : و الله اماعارف انا يالاه جيت.
قال ليك هادي واحد الشيخة بغات تتوب لله و هي تجيب الفقهة للدارها باش يقراو ليها القران و تطهر دارها بداو كيقراو يقراو يقراو تا سالاو و هي تقول ليهم : الاه الا ما زيدو شي طريح هههه (سحاب ليه راسها النشاط هاداك)
واحد الحشايشي جالس كيبرم فجوان فاش سالا و بغا يشعلو ملقاش البريكة شوية و هو يشوف واحد الدري هو واحد الدرية جالسين فراس الزنقة ناض قال مع راسو باللاتي نمشي نسولو واش عندو بريكة يالاه بغا يمشي و هو يقول مع راسو اجي والا مشيت سولتو قدام صاحبتو و محملش راسو و يصحابو بغيت نعيق عليه و لا شي حاجة, غادي يبغي يبان عليا خصوصا حدا الدرية انا بطبيعة الحال ماغاديش نرضا غادي نضربو شي ضربة نقتلو غادي يجيو البوليس يشدوني و يديوني للحبس و انا يالاه خارج منو! بدا كيفكر شوية مشا لعند الدري و قال ليه : شفتي ديك البريكة لي كنتي باغي تعطيني غا خليها عندك الله ينعل لي باقي سولكم كاع انا لي حمار لي كنت باغي نسولك.
قال ليك هدا واحد الزقرام مات ليه باه وجاب الفقيه باش يغسلو فاش غسلو الفقيه سولو الزقرام اوا شحال الفقيه حسبتي عليا داكشي قال ليه الفقيه 600 درهم قال ليه الزقرام : اباباباباباباباباباباباباباباباب اواااااه الفقيه تا مالك غاسل ليا فيراري راه غا الوليد هاداك.
قال ليك هدا واحد الزقرام بغى يموت صافي كان فوق فراشو و ولادو كاملين مجموعين عليه شوية و هو يقول : ولدي محمد ولدي محمد جابو ولدو : نعم الواليد هانا حداك. و هو يقول مرة اخرى : ولدي جمال اولدي جمال. جاوبو ولدو جمال : نعم الواليد تا انا هاني حداك. عاوتاني قال : ولدي منعم ا ولدي منعم . جاوبو ولدو منعم : اش الواليد انا حداك. و هو يقول ليهم : نتوما كاملين هنا و مخليين الضو ديال الصالة شاعل اولاد الكلب.
الجمعة مايو 24, 2024 1:54 pm
