%50نكت+50%جزائرية=100%نكت جزائرية

السلام عليكم
كي العادة نكت جزائرية وان شاء الله تعجبكم



الأب الجزائري كي يكون يبهدل فوليدو:

تهبط راسك....يقولك:اهدر معايا كي نكون نهدر معاك

تشوف فيه يقولك:وتزيد تشوف فيا

تسكت يقولك:جاوبني كي نهدر معاك

!!تهدر يقولك:وتزيد ترجع الهدرة

2

وحدة قالت لخطيبها:الكل يقولولي قصيرة

قالها:شكون قالك اوقفي اوقفي نشوفك

قاتلو اوكي راني وقفت

قالها هيا اوقفي بركاي مالتمسخير

الفتاة راهي تداوي عند طبيب نفساني

دارلها عقدة نفسية

3

واحد سقساوه

كيفاش تقول ساهلة ماهلة بالفرنسية

Facile Macileقالهم:

4

واحد قال ليماه:ادعيلي باش يمدولي سكن

قالتلو:روح الله يعطيك دار بلا كرا

و ما تخلص فيها لا الماء لا الماكلة

المهم مسكين لقى روحو فالحبس

5

3رؤساء عرب راكبين فالطيارة

الأول:انا اذا رميت لشعبي كمشة رز يهتفو باسمي اسبوع

الثاني:انا اذا رميت لشعبي كمشة رز يهتفو باسمي شهر

الثالث:اذا رميت لشعبي كمشة رز يهتفو باسمي سنة

الطيار:وانا اذا رميتكم الشعب يهتف باسمي طول العمر

6

تخرجت فتاة من الجامعة من فرع الحقوق الا انها لم تجد عملا تسترزق به و بعد مرور 5 سنوات

سمع بقصتها مدير حديقة حيوانات

فاقترح عليها أن تلعب دور اللبؤة

لانها ماتت

فوافقت وقالت لا يهم

لبست لباس البؤة ودخلت القفص لمدة 8 ساعات يوميا

وفي احدى الايام نسي الحراس باب الاسد مفتوحا

وخرج نحو الفتاة ببطء فخافت وبقيت تنتظر مصيرها

اقترب منها وقال لها:

ما تخافيش

انا طارق ماجستر اقتصاد ههههه

7

واحد ناض مالرقاد وسمع جيرانو يعيطو

قالهم:واش كاين؟

قالولو:الماء تاعالعين راه مسموم

لحقاتو مرتو وقاتلو: يا راجل واش صرا

قالها: ما كان والو ما تنخلعيش مرتي روحي اشربي كاس ماء و ارقدي هههه

8

معتوه شارك في أطول قصة ب 5000 صفحة

كي جاو يقراو لقاو فالصفحة الأولى

ركب سعيد الحصان..

دردك....دردك.... دردك.... دردك....

في كامل الصفحات

وفي آخر صفحة

نزل سعيد من الحصان

9

الطبيب:واش عندك

المريض:زوج حوانت

الطبيب:نقصد واش جابك

المريض:الكار

الطبيب:نقصد علاه جيت للطبيب

الطبيب:لأنو الطبيب ما يقدرش يجي للمريض

الطبيب:عندك حاجة تقلق

المريض:لالا....انا والحاجة لاباس وراهي تسلم عليك

الطبيب خرج يجري ومن ثم ما بان عليه حتى خبر

10

طفل سقسى باباه قالو واش معناها راجل؟

قالو:الراجل هو الشخص القوي و الي يحكم الداخل فالدار

قالو الطفل:مالا رايح نولي راجل كيما ماما

11

هذا واحد يحكي مع خطيبتو قالها:كيفاش كانو يسموك كي كنتي صغيرة؟

قاتلو: ميمي و انت؟

قالها:بو خنونة ههههههههه

12

خرجت و نسات ما دارتشالماكياج

راحت ماماها وراها وقالتلها:مسعود ماتنساش تجيب معاك الخبز

13

واش رايكم؟

7:30الولد:راقد...البنت:ناضت

08:00الولد:يشخر...البنت:راحت للحمام

08:15الولد مازالو راقد...البنت:راحت تطيب قهوة

09:00الولد: يحلم...البنت: شربت قهوتها

09:30الولد:يشخر...البنت:راحت تدير سيشوار

10:00الولد:يتحرك يمين شمال...البنت:كملت السيشواروتستيكي في روحها

10:30الولد مازال راقد...البنت:راحت تبدل حوايجها

11:00الولد:ناض راح للحمام دار الجال...بدل حوايجو...شرب قهوة

11:15الولد:جاهز...البنت:غير جاهزة

هههههه

14

واحد تزوج...مرتو اليوم الاول طيبتلو:سلق

اليوم الثاني:قرنينة

الثالث:خرشف

اليوم الرابع قاتلو:واش نطيبلك

قالها:ماتشقيش روحك راني رايح نرعى وحدي

هههههههههه مسكين

15

واحد خلى ولادو عند عائلة امريكية باش يتعلمو الانجليزية

خلاهم عام كامل و كي رجع يديهم دق الباب وسقسى:

Where are mychildrens

قاتلو:راهم برا مع الدراري

16

وحدة ضاربت مع راجلها وناضت زعفانة

وخرجت مالغرفة تجري وحست راجلها شدها من لاروب ديالها ...قاتلو:بعد عليا خليني نروح ما نحبكش..

و بدات تعيط:مانزيدش نقعدلك فالدار خليني نروح

وكي دارت باش تنحيلو يديه من لاروب..لقاتها لاصقة فالباب وراجلها قاعد في بلاصتو ميت بالضحك...ههههههههه

17

واحد حابس خطف وحدة حابسة...بدات تعيط..

قالها:اسكتي و الا نهبطك مالطوموبيل

قاتلو:خلاصراني ساكتة

18

واحد شاف وحدة شابة قالها:انت ثمينة

فضحكت الفتاة وقالتلو:ميرسي ميرسي سي تغي جونتي

قالها:ديري ثوية ريجيم

ههههههه

19

وحدة سمينة بزاف قالتلها جارتها :

انا ندبر عليك روحي للفرماسيان جيبي كاشي تاع الريجيم

راحت قالها:اشربي زوج حبات فالنهارقبل الماكلة

المرا من كثرة الخلعة شربتها في ضربة

جا راجلها يحوس عليها

يا مرا وين راكي

قاتلو راني هنا

قالها وين مانيش نشوف فيك

قاتلو الله يعطيك العمى راني مور البالي

هههههه

20

على الزكارة يموتو شي عباد

واحد راح السينما لقاها فارغة فيها غير واحد برك

قعد موراه و قالو:خويا دني راسك شوية الله يسترك

21

واحد مزطول

راح لدارهم قعد يشوف في روحو ويقول:

أواه كبرت بلا وقت...وناضلي الشيب وسناني طاحو

ولي موسطاش صفارو مالزطلة والقهوة و وجهي تجلد..حتى سمع يماه تعيط عليه:ماشي قتلك ما تزيدش توقف قدام تصويرة جدكوتقعد تهدر معاهيا مهبول راك هبلت و هبلتني معاك

22

قالك زاوش كان يطير صدم في سيارة...تغاشى

رفدو السائق وداه معاه للدار و حطو في قفص

كي فطن العصفور لقى روحو فالحبس

قال: مكاش منها ما تقولوليش قتلتو؟؟



الردود من فضلكم