نكت مغربية مضحكة

السلام عليكم..
هذا واحد مول الطاكسي مبوق مزيان غادي فالمدينة او هي تشير عليه واحد المرآ هو يوقف طل عليها من الشرجم او قال ليها فين غاديا أ لالة قالت ليه السوق اَسيدي هو يقول ليها سيري أوُ متعطليش
قليك هدا واحد المعلم سول واحد التلميد قاليه اش بغيتي تكون فاش تكبر قاليه التلميد بغيت نكون ولد الحرام!!!!!!
جالمعلم قاليه علاش اولدي
قاليه التلميد حيت بابا فاش كيشوف شي حد عندو طونوبيل واعرة كايقوليه ولد الحرآآآآآآم
هادو شي رجال جالسين ف القهوة، ناض واحد قال ليهوم: اللي كيخاف من مرتو ينوض يجلس اللور.
ناضوا كاملين إلا واحد. سولوه: نتا ما كاتخافش من مرتك؟
قال ليهوم: راه قالت لي سير للقهوة وما تحركش حتى نج
واحد الدري مدة هادي ماشاف واحد صاحبو قال والله حتا نمشي نسول عليه
مشا لدار ديالهم دق دق خرجات مو... سولها قالت ليه اولدي من داك النهار سخرناه يجيب اللحم مارجاعش
قال ليها و شنو درتو؟؟ قالت ليه الدجاج

هادوا تلاتة ديال المعكازة تفارضو فدجاجة محمرة وشراوها
منين جاو ياكلوها مالقاوش الخبز، ناضو دارو القرعة باش يشوفو شكون لمشي يجيب الخبز جات فواحد منهم و حيت مشا
تسناوه ساعة ما جاش
تسناوه ساعتين ما جاش
تسناوه تلت سوايع ما جاش
طلع ليهم الدم، وقالوا صافي عيق، ملي يجي ياكل هو الخبز، يلاه هما بداو ياكلو، وهو يخرج ليهوم من مورا الباب،وقال ليهم:حصلتكم، شفتوا كون مشيت؟