نكت السكرانين أهديها لناس ستوك تايمز المحبوبين

هذه خمس نكت عن السكرانين أهديها لجميع زوار منتدى النكت







1-قالك كاين زوج سكرانين حتى الثمالة قاعدين في الشارع مقابلين فيترينا هذيك الفيترينا الزجاج انتاعها يعكس الصورة ، أيا وهما قاعدين يشوفوا رواحهم في ذاك الزجاج، واحدا فيهم قال لصاحبو هذوك الزوج علاش راهم يصغلو فينا، قالو صاحبو والله ماني عارف نوض نوض روح اهدر معاهم علاش راهم يصغلو فينا، أيا غير كيما ناض قالو صاحبو اقعد اقعد.... راهو جاينا واحد فيهم.







2-وهذي الحكاية شفتها في فيلم...... قالك كاين راجل ومرتو سكرانين بزززززززاف ، الراجل حب يزيد يسكر قال لمرتو: وين راهي البيرة؟ ردت عليه مرتو: ججغجغجغجغجغجغجبعبعفق

زاد قالها : راني نسقسي فيك وين راهي البيرة؟ ردت عليه نفس الشي: غجغجغجغخغخهغغخهغغحغخغغغعغقفقف

أيا الراجل تنارفا وتعصب عليها بزاف وقالها : جغججغجغغغجغجغغعهغعغهغعغعغهعخغهعخغهع

ردت عليه: راهي فوق الفريجيدال





3-وكاين وحد زوج يحكو في مغامراتهم منين كانوا سكرانين ، قالك كيسكرنا جينا طالعين في الدروج ، هو طلع كمل وأنا مزال التحت وقاعد انقلو: أيا صاحبي اطلع خف لينا نقعو هنا ؟؟؟؟؟!!!!!!!!!!!!رد عليه صاحبو: أنت هو اللي راك طالع قاع في الريدشوسي كيفاش راني رايح نلحقك أنا





4-واحد من هذوك الزوج يحكي قالك: واحنا لسع سكرانين دخلنا للدار و عطشت، جيت باه نشرب الماء جبت القرعة وبديت نسربي في الكاس ونشوف في قد ماراني نسربي فيه مشي يتعمر ، من بعد فقت بللي كنت ماسك الكاس بالمقلوب .





5-أيا هذي قالك كان وحد التاجر يبيع في الدلاع (البطيخ) كان مقابلو واحد يبيع في النعناع أيا هذاك التاجر قال لبائع النعناع أيا جي جي شوفلي الشغل، عندي قضيان نخلصو ونجي ، بصح بائع النعناع كان سكران بصح غير كيما سكر الشراب مزال ما أثرش فيه، أيا هو جا يبيع في الدلاع عادي: دلاع دلاع دلاع بالطابع، وقت اللي أثر فيه الشراب صار يقول: نعناع نعناع نعناع بالطابع.........هههههههه

وفي الأخير باش ما نخرجوش من هذا الموضوع من غير فائدة ... صحيح تصرفات السكرانين تضحكنا ، بصح في نفس الوقت يغيضنا حالهم لأنو الخمر خطر عليهم وعلى المجتمع .... وحد الإمام سقسا الناس : شكون هو أخطر إثم ....القتل ولا الزنا ولا الخمر قالو واحد الزنا وواحد قالو القتل ، قالهم علاش: قالولو على خاطر الانسان اللي يقتل ولا اللي يزني يضر نفسو ويضر الناس بينما اللي يسكر يضر غير نفسو ، قالهم : أنا انقولكم بللي الخمر هو أخطر إثم قالولو علاش قالهم على خاطر اللي يسكر يغيب عقلو وكيغيب عقلو يسرق ويقتل..........







تحياتي